Helduak alfabetatu eta euskalduntzeko ikastaroak

Lanbide - Euskal Enplegu Zerbitzuak eta Helduen Alfabetatze eta Berreuskalduntzerako Erakundeak (HABE) akordioa egin dute, hizkuntza-gaikuntzako euskara-ikastaroak eskaintzeko Lanbidek profesional-ziurtagirirako programatutako prestakuntza-ekintzetan parte hartzen ari diren edo azken hiru urteotan horrelako ekintzak egin dituzten pertsonei, langabe zein landun.

Hizkuntza-gaikuntzako prestakuntza-plan horretan euskara ikasteko aurrez aurreko prestakuntza-ekintzak emango dira moduluka, HABEren erregistroan inskribatutako euskaltegietako baliabideen arabera. Hauek izango dira erreferentziako mailak: HEEEBko A1, A2, B1, B2 eta C1.

Euskara ikasteko hizkuntza-gaikuntzako prestakuntza-ekintzetan parte hartu ahal izango dute Lanbide - Euskal Enplegu Zerbitzuan inskribatutako langabe eta landunek, profesionaltasun-ziurtagiriak lortzea xede duten gaikuntza-ekintzak egiten ari badira, Lanbide - Euskal Enplegu Zerbitzuak diruz lagunduak edo baimenduak, edo, bestela, horrelako ekintzak egin badituzte 2017., 2018. edo 2019. urteetan.

Ikastaro hauetan interesa duten pertsona guztiek, eskatutako baldintzak betetzen badituzte, "Aurretiko izen-emate" botoiari eman beharko diote eta Nire Lanbidenet sartzeko erabiltzailea eta pasahitza sartu beharko dituzte, aurretiko inskripzioa osatuta gera dadin.Aurreinskripzioa kontsultatu edo ezabatu ahal izango da Nire ikastaroak fitxatik. Fitxa hori Nire Lanbidenet-en dago eskuragarri.

Egindako inskripzioak egiaztatu egingo dira eta, eskabidea onartuz gero, matrikula-orria urriaren 6tik aurrera deskargatu ahal izango da Nire Lanbidenetetik/Nire ikastaroetatik.Matrikula orria bete ondoren, zerrendan agertzen den edozein euskaltegitan entregatu beharko da:

Araba

Bizkaia

Gipuzkoa

Lanbideren web-orrian eskaerak aurkezteko epea 2020ko urriaren 9an amaituko da.
Matrikula-orria urriaren 16a baino lehen aurkeztu behar da hautatutako euskaltegian.

Ikastaroak aurrez aurrekoak izango dira, eta 2020ko urrian hasi eta 2021eko ekainaren 30a baino lehen amaituko dira.